Cofnodion - Y Pwyllgor Busnes

Lleoliad:

Ystafell Gynhadledd 4B - Tŷ Hywel

Dyddiad: Dydd Mawrth, 10 Chwefror 2026

Amser: 09.00 - 09.18

Preifat, Hybrid

------

Yn bresennol

Categori	Enwau
Aelodau’r Pwyllgor:	Elin Jones AS, Llywydd (Cadeirydd) Paul Davies AS Heledd Fychan AS Jane Hutt AS
Staff y Pwyllgor:	Graeme Francis (Clerc) Steffan Lewis (Dirprwy Glerc)
Eraill yn bresennol	Jane Dodds AS David Rees AS, Y Dirprwy Lywydd Manon Antoniazzi, Prif Weithredwr a Chlerc y Senedd Julian Luke, Cyfarwyddwr Busnes y Senedd Bethan Davies, Pennaeth Gwasanaeth y Siambr a Phwyllgorau Marc Wyn Jones, Pennaeth Pwyllgorau Polisi a Deddfwriaeth Helen Carey, Llywodraeth Cymru Alun Davidson, Pennaeth Gweithdrefnau a Sgiliau Seneddol Lisa Griffiths, Clerc Gweithdrefnau

<AI1>

1 Cyflwyniad, ymddiheuriadau a dirprwyon

Croesawodd y Llywydd yr Aelodau i’r cyfarfod. Ni chafwyd ymddiheuriadau.

</AI1>

<AI2>

2 Cofnodion y cyfarfod blaenorol

Cytunwyd ar gofnodion y cyfarfod blaenorol i’w cyhoeddi. 

</AI2>

<AI3>

3 Trefn Busnes

</AI3>

<AI4>

3.1 Busnes yr wythnos hon

Dydd Mawrth

• Caiff y Cyfnod Pleidleisio ei gynnal fel yr eitem olaf o fusnes
• Nid yw'r Cyfarfod Llawn yn debygol o fynd y tu hwnt i 8.20pm.

Mae Cyfnod 3 Bil yr Amgylchedd (Egwyddorion, Llywodraethiant a Thargedau Bioamrywiaeth) (Cymru) wedi’i amserlennu ar gyfer tair awr. Mae 54 o welliannau mewn 11 o grwpiau. Bydd egwyl o 10 munud cyn dechrau Cyfnod 3.

Dydd Mercher

Cytunodd y Pwyllgor Busnes ar y newid a ganlyn:

• Cwestiynau i Gomisiwn y Senedd (30 10 munud)

• Caiff y Cyfnod Pleidleisio ei gynnal cyn y Ddadl Fer.  

• Nid yw'r Cyfarfod Llawn yn debygol o fynd y tu hwnt i 7.25pm.

</AI4>

<AI5>

3.2 Amserlen busnes y Llywodraeth ar gyfer y tair wythnos nesaf

Rhoddodd y Trefnydd wybod i’r Rheolwyr Busnes am y newidiadau canlynol i amserlen Busnes y Llywodraeth ar gyfer y tair wythnos nesaf:

Dydd Mawrth 3 Mawrth 2026

• Cynnig o dan Reol Sefydlog 12.24 i gynnal dadl ar yr eitemau canlynol gyda’i gilydd ond gyda phleidleisiau ar wahân (5 munud):
• • Rheoliadau Deddf Addysg Drydyddol ac Ymchwil (Cymru) 2022 (Diwygiadau Canlyniadol a Darpariaeth Ddarfodol) 2026
  • Rheoliadau Deddf Diogelwch Ar-lein 2023 (Gwasanaethau Defnyddiwr-i-Ddefnyddiwr a Chwilio Esempt) (Diwygio) 2026
• Cynnig o dan Reol Sefydlog 12.24 i gynnal dadl ar yr eitemau canlynol gyda’i gilydd ond gyda phleidleisiau ar wahân (10 munud):
• • Rheoliadau Cydsyniad Seilwaith (Ffioedd) (Cymru) (Diwygio) 2026
  • Rheoliadau Cydsyniad Seilwaith (Digolledu am Newid neu Ddirymu Gorchmynion Cydsyniad Seilwaith) (Cymru) 2026
• Rheoliadau Traffig Ffyrdd (Allyriadau Cerbydau) (Cosbau Penodedig) (Cymru) (Diwygio) 2026 (15 munud)

Cododd Heledd Fychan y mater fod Aelodau ei grŵp wedi gofyn ai 24 Chwefror yw’r dyddiad a ffefrir o hyd ar gyfer y ddadl ar y Memorandwm Cydsyniad Deddfwriaethol ar y Bil Oedolion Terfynol Sâl (Diwedd Oes), yng ngoleuni'r Memorandwm Cydsyniad Deddfwriaethol atodol pellach i'w osod gan y Llywodraeth. Cadarnhaodd y Trefnydd fod 24 Chwefror yn dal i gael ei ystyried fel y dyddiad mwyaf priodol.

</AI5>

<AI6>

3.3 Amserlen busnes y Senedd ar gyfer y tair wythnos nesaf

Cytunodd y Rheolwyr Busnes ar y newidiadau canlynol i amserlen Busnes y Senedd ar gyfer tair wythnos nesaf:

Dydd Mercher 25 Chwefror 2026 -

• Cynnig i ddiwygio Rheolau Sefydlog: Categorïau o Aelodau (5 munud)
• Cynnig i ddiwygio Rheolau Sefydlog: Trothwyon Rheolau Sefydlog (5 munud)
• Cynnig i ddiwygio Rheolau Sefydlog: Grwpiau Gwleidyddol a Grwpiadau (5 munud)
• Cynnig i ddiwygio Rheolau Sefydlog: Dirprwy Lywydd ychwanegol (5 munud)
• Cynnig i ddiwygio Rheolau Sefydlog: Rhannu Swydd Cadeirydd Pwyllgor (5 munud)
• Cynnig i amrywio'r drefn o ystyried gwelliannau Cyfnod 3 y Bil Iaith Arwyddion Prydain (Cymru) (5 munud)

Dydd Mercher 11 Mawrth 2026 –

• Dadl ar adroddiad Pwyllgor yr Economi, Masnach a Materion Gwledig: Cywain y cynhaeaf: Cefnogi diwydiant prosesu bwyd Cymru (30 munud)
• Dadl ar adroddiad Pwyllgor yr Economi, Masnach a Materion Gwledig: Cronfa Twf Lleol (30 munud)
• Dadl ar Adroddiad y Bwrdd Adolygiad Seneddol sy’n gynhwysol ac yn ystyriol o deuluoedd (60 munud)
• Dadl: Cyfnod 4 y Bil Iaith Arwyddion Prydain (Cymru) (15 munud)
• Amser a neilltuwyd i’r Ceidwadwyr Cymreig (60 munud)
• Dadl Fer: Russell George AS (Sir Drefaldwyn) (30 munud)

</AI6>

<AI7>

4 Deddfwriaeth

</AI7>

<AI8>

4.1 Llythyr gan y Pwyllgor Iechyd a Gofal Cymdeithasol mewn perthynas â'r Memorandwm Cydsyniad Deddfwriaethol ar gyfer y Bil Hyfforddiant Meddygol (Blaenoriaethu)

Nododd y Pwyllgor Busnes y llythyr a'r ffaith nad yw'r Pwyllgor wedi adrodd ar y Memorandwm oherwydd yr amser cyfyngedig sydd ar gael.

</AI8>

<AI9>

4.2 Diweddariad ar Femoranda Cydsyniad Deddfwriaethol

Trafododd y Pwyllgor Busnes ddiweddariad gan y Trefnydd a chytunodd i:

• gyfeirio’r Memorandwm Atodol (Rhif 2) ar y Bil Rheilffyrdd at y Pwyllgor Newid Hinsawdd, yr Amgylchedd a Seilwaith a'r Pwyllgor Deddfwriaeth, Cyfiawnder a’r Cyfansoddiad i graffu arno, gyda dyddiad cau ar gyfer cyflwyno adroddiad ar 20 Mawrth 2026;
• cyfeirio'r Memorandwm Atodol (Rhif 3) ar y Bil Troseddau a Phlismona o flaen llaw at y Pwyllgor Deddfwriaeth, Cyfiawnder a’r Cyfansoddiad i graffu arno, gyda dyddiad cau ar gyfer cyflwyno adroddiad ar 24 Chwefror 2026;
• cyfeirio'r Memorandwm Atodol (Rhif 4) ar y Bil Oedolion Terfynol Sâl (Diwedd Oes) o flaen llaw at y Pwyllgor Iechyd a Gofal Cymdeithasol a’r Pwyllgor Deddfwriaeth, Cyfiawnder a’r Cyfansoddiad i graffu arno, gyda dyddiad cau ar gyfer cyflwyno adroddiad ar 24 Chwefror 2026, a
• chyfeirio'r Memorandwm Atodol (Rhif 2) ar y Bil Cynlluniau Pensiwn o flaen llaw at y Pwyllgor Llywodraeth Leol a Thai a’r Pwyllgor Deddfwriaeth, Cyfiawnder a’r Cyfansoddiad i graffu arno, gyda dyddiad cau ar gyfer cyflwyno adroddiad ar 24 Chwefror 2026;

</AI9>

<AI10>

5 Trefniadau Cyflwyno

</AI10>

<AI11>

5.1 Cyflwyno ar ôl yr etholiad: Trefniadau cynnar

Trafododd y Pwyllgor y papur a:

• chytunodd y bydd y Swyddfa Gyflwyno yn agor ar ôl Cyfarfod Llawn cyntaf y Seithfed Senedd ar gyfer derbyn dogfennau a osodwyd, cwestiynau ysgrifenedig, busnes brys, cynigion, gwelliannau, datganiadau barn, a gosod dogfennau;

• nododd y caiff Cwestiynau Ysgrifenedig a gyflwynir o hynny ymlaen eu cyhoeddi yn y ffordd arferol, a'r dyddiad olaf ar gyfer ateb cwestiynau ysgrifenedig fydd pum niwrnod gwaith ar ôl iddynt gael eu cyflwyno; a
• nododd y caiff Cwestiynau Ysgrifenedig a gyflwynir i Lywodraeth Cymru eu cyflwyno i’w hateb gan y Prif Weinidog, a fydd yn penderfynu pwy ddylai eu hateb, hyd nes y caiff Gweinidogion eraill eu penodi.

</AI11>

<AI12>

6 Pwyllgorau

</AI12>

<AI13>

6.1 Llythyr gan Gadeirydd y Pwyllgor Craffu ar Waith y Prif Weinidog ynghylch slot cyfarfod amgen

Ystyriodd y Pwyllgor Busnes gais gan y Pwyllgor Craffu ar Waith y Prif Weinidog iddo gyfarfod ddydd Gwener 13 Mawrth 2026 a chytunodd i’r cais.

</AI13>

<AI14>

7 Gwaith Gweithdrefnol

</AI14>

<AI15>

7.1 Ystyried newidiadau i Reol Sefydlog 23

Dychwelodd y Pwyllgor Busnes at ystyried gwelliannau i'r Rheolau Sefydlog a gynigiwyd gan y Pwyllgor Deisebau a chytunodd i gynnig rhai o'r newidiadau i'r Senedd.

Penderfynodd y Pwyllgor Busnes na fyddai’n bwrw ymlaen â chynnig i ddiwygio Rheol Sefydlog 23.1, a fyddai wedi ei gwneud yn ofynnol i ddeisebau gael eu cyfeirio at un pwyllgor, ar y sail nad yw am gyfyngu ar hyblygrwydd y Pwyllgor Busnes nesaf pan fydd yn sefydlu pwyllgorau yn y Seithfed Senedd.

Nododd y Rheolwyr Busnes y byddai adroddiad drafft ar newid Rheolau Sefydlog yn cael ei lunio i’w gytuno mewn cyfarfod yn y dyfodol.

</AI15>

<AI16>

7.2 Llythyr gan y Pwyllgor Safonau Ymddygiad mewn perthynas â datganiadau o fuddiant

Nododd y Pwyllgor Busnes yr ymateb gan y Pwyllgor Safonau Ymddygiad yn cynnwys canllawiau arfaethedig ynghylch y gofyniad i Aelodau sy'n cyflwyno busnes ar ran eraill ddatgan buddiannau ar adeg ei gyflwyno. Dywedodd y Pwyllgor Busnes ei fod yn fodlon ar y cynnig.

</AI16>

<AI17>

7.3 Datganiadau o fuddiant: Adroddiad ar Newid Rheolau Sefydlog

Cytunodd y Pwyllgor Busnes ar yr adroddiad drafft.

</AI17>

<AI18>

7.4 Busnes Seneddol yn y Seithfed Senedd: Adroddiad ar Newid Rheolau Sefydlog

Cytunodd y Pwyllgor Busnes ar yr adroddiad drafft.

</AI18>

<TRAILER_SECTION>

</TRAILER_SECTION>

<LAYOUT_SECTION>

1. FIELD_TITLE

FIELD_SUMMARY

</LAYOUT_SECTION>

<TITLE_ONLY_LAYOUT_SECTION>

2. FIELD_TITLE

</TITLE_ONLY_LAYOUT_SECTION>

<HEADING_LAYOUT_SECTION>

FIELD_TITLE

</HEADING_LAYOUT_SECTION>

<TITLED_COMMENT_LAYOUT_SECTION>

FIELD_TITLE

FIELD_SUMMARY

</TITLED_COMMENT_LAYOUT_SECTION>

<COMMENT_LAYOUT_SECTION>

FIELD_SUMMARY

</COMMENT_LAYOUT_SECTION>

<SUBNUMBER_LAYOUT_SECTION>

2.1 FIELD_TITLE

FIELD_SUMMARY

</SUBNUMBER_LAYOUT_SECTION>

<TITLE_ONLY_SUBNUMBER_LAYOUT_SECTION>

2.2 FIELD_TITLE

</TITLE_ONLY_SUBNUMBER_LAYOUT_SECTION>